Action Toys 可动合金版小雲

Gretzky9 · 发表于 2011-12-16 09:46

小雲同小吉深入民心，不过讲到玩具方面，选择实在唔多，嚟嚟去去都係景品同毛公仔。本地品牌ActionToys最近就与日本嘅集英社合作，推出可动合金版本小雲，坠手Body摆到经典「笃屎」场景，同步上架仲有漫画版鸟山明，背嵴发条效果令人会心微笑，卡哇依程度连女友、老婆都Buy，打孖买晒返屋企，相信佢哋都会争住玩呢！

小雲真布衣KO全胶宴
近年嘅小雲玩具多数都係「全胶宴」（例如早前嘅CM's出品），可动部分又少，连服饰衣着都只係涂装表达了事。今次EX合金就用料十足，全身骨架跟脚掌都用上坠手Die-cast，双腿虽短都有双重关节，膊头关节又够实净，稳阵之馀可动性都算唔错。试玩过後，最令笔者畀Like係小雲嘅招牌桃红色黄边短袖Tee加蓝色工人裤服饰，全部用织布车工製造，而且大部分缝线位都冇爆口，QC做到足！美中不足嘅係小雲造型有啲偏高，如果矮番1/4，身形再肥多少少，就Fit晒早期漫画裏面嘅造型。

Gimmick方面，小雲备有大口Look及O嘴Look两款，採用磁石换面设计，频频变脸都唔怕整断接合位嘅支柱，襟玩得多，加埋PVC製嘅Cap帽、以及「笃屎棍」及多款造型手掌，就可重现小雲多款经典低能甫士。另外随盒附有景品小吉一隻，虽然只得头部、双手可以扭动，但ABS质地令整体造工坚固细緻，最抵赞係头上嘅触角用软胶製成，唔易烂。

鸟山明肥肚牙籤脚企得稳
原着担任间场做解说及搞Gag嘅漫画版鸟山明，主体骨架、下盘、双脚全部用Die-cast炮製，当中髋关节更可前後左右摆动，脚踝Ball Joint亦能够令脚掌屈曲，整体关节紮实又有超强接地性，确保肥肚牙籤脚造型都企得稳。另一方面，骤眼睇头部与身体好似「无颈」，其实内藏斜向支架连接，令头部都有一定幅度左右扭动，至於钳形手掌亦可换件重现揸笔姿势。最过瘾係扭动背嵴发条时嘅「嘶嘶」齿轮声，虽然未能做到晓行晓走，不过已经好有80年代嘅上链玩具Feel。

Fewture Models EX合金小雲订购价：HK$780
EX合金鸟山明订购价：HK$390

包括「笃屎手」在内，小雲嘅造型手掌都幾丰富，但面相组件得两款，少咗啲喎。

Cap帽及眼镜都係可拆式设计，总共玩到八个面相Look。

小吉属於景品，可动位置只有头部及双手。

小雲头部略重，摆坐姿时要花多少少耐性就位。

换面时採用磁石定位，比传统嘅插入式榫位襟玩得多。

唔戴帽嘅话，随盒备有一小撮头髮组件，插喺後尾枕，成个造型就完整晒。

配合专用台座，就摆到跳跳紮嘅动感甫士。

鸟山明配件只得墨水笔、钳形手掌与发条器，尚欠下半身嘅坦克底盘，可惜！

全腿使用合金元件，令接地性大大提升。

手臂有单关节，钳形手掌仲可以开合。

内藏斜向支架连接头部，猪嘴亦有少少活动幅度。

转动发条会发出「嘶嘶」齿轮声，发条同时亦会自动反方向转动。

ZIP · 发表于 2011-12-16 09:50

阿拉蕾~ 价格尚可！

我要说一句收起回复

johnz007 · 发表于 2011-12-16 09:50

原来她在HK叫小云啊...

我要说一句收起回复

兵人校长 · 发表于 2011-12-16 09:52

可以有

我要说一句收起回复

冷啊冷 · 发表于 2011-12-16 09:53

很喜欢呐~太好玩了

我要说一句收起回复

偶系动物 · 发表于 2011-12-16 09:55

不错，这款合金阿拉蕾真可爱，送妹子的极品礼物

我要说一句收起回复

mimilasa · 发表于 2011-12-16 09:57

很棒的玩意，不知大陆何时有货！

我要说一句收起回复

jaytree · 发表于 2011-12-16 10:01

鸟山明这不错~~~~~~

我要说一句收起回复

ephran · 发表于 2011-12-16 10:03

可爱

我要说一句收起回复

yke_7900 · 发表于 2011-12-16 10:04

萌物。。。

我要说一句收起回复

帐号		自动登录	找回密码
密码			注册